Mat 24 | ENQ | STEP | Jisasame losuu anda andake kame doko yakinatala peamopa, baanya disaipele dupame losuu anda katenge dosa anda petae katenge dupa baa laitaka pyaanya epeami.

a24:2Mt 26:61, 27:39-40; Lu 19:44; Jo 2:19

b24:3Mt 13:39-40,49, 16:27, 28:20; Lu 17:20; 1 Jo 2:28

c24:5Mt 24:11,23-24; Jo 5:43; Ap 5:36-37; 2 Ti 3:5; 1 Jo 2:18

d24:6Jet 51:46

e24:6-7Pa 6:3-8,12-17

f24:72 Ktl 15:6; Ais 19:2

g24:8Jo 16:21; Lo 8:22; 1 Te 5:3; Pa 12:2

h24:9Mt 10:17-18,22; Jo 15:18, 16:2; 1 Jo 3:13

i24:10Mt 10:21,35-36

j24:11Mt 24:5,24; 2 Te 2:3; 1 Jo 4:1

k24:12Lu 18:8

l24:13Mt 10:22; Pa 2:7,10

m24:14Mt 10:18, 28:19; Lo 10:18

n24:15Dan 9:27, 11:31, 12:11

o24:16Ese 7:15

p24:17Lu 17:31

q24:19Lu 23:29

r24:21J.Ee 1:12; Dan 12:1; Joe 2:2; Pa 7:14

s24:23Wee 75:6; Mt 24:5,11; Lu 17:23-24; 2 Te 2:3-4

t24:24Dit 13:1-3; 2 Te 2:8-9; 2 Pi 2:1-3; 1 Jo 4:1; Pa 13:13-14

u24:26Lu 17:23-24; Pa 1:7

v24:27Mt 24:37-39

w24:28Jop 39:30; Lu 17:37

x24:29Ais 13:9-10, 34:4; Ese 32:7; Joe 2:10,31, 3:15; Emo 8:9; Sep 1:15; Ap 2:20; Pa 6:12-13, 8:12

y24:30Dan 7:13-14; Sak 12:10-14; Mt 16:27, 17:5, 26:64; Pa 1:7, 6:12-13

z24:31Ais 27:13; Sak 9:14; 1 Ko 15:52; 1 Te 4:16

aa24:34Mt 10:23, 16:28; Je 5:8

ab24:35Ais 40:8, 51:6; Mt 5:18; Lu 16:17; Ip 12:27

ac24:36Ap 1:7; 1 Te 5:1-2

ad24:37-39Jen 6:5-8, 7:6-24

ae24:38Ip 11:7

af24:391 Te 5:3; 2 Pi 3:6

ag24:42Mt 25:13

ah24:43Lu 12:39; 1 Te 5:2; 2 Pi 3:10; Pa 3:3, 16:15

ai24:44Lu 12:40

aj24:45Pot 14:35; Mt 25:21-23

ak24:47Mt 19:28

al24:49Lu 21:34

am24:51Mt 8:12, 13:42, 50, 22:13, 25:30; Lu 13:28

Matthew 24

Losuu anda andake doko kalunya nepatamina Jisasame leamo doko

(Mk 13:1-2; Lu 21:3-6)

1 Jisasame losuu anda andake kame doko yakinatala peamopa, baanya disaipele dupame losuu anda katenge dosa anda petae katenge dupa baa laitaka pyaanya epeami. 2 Dopa ^a piaminopa baame dokaita lamaiyoo, “Kini, nyakamame datupa pitaka kandelyamipi? Kandelyaminoaka doko, nambame nyakama kiningi langilyona, ae kaname petae kalyamo datupanya mendaipi mende kalyamoli petae katena lao kayala nayao, pitaka kalunya nepatamina,” lea.

Kenda pipae longo dupa ipatana Jisasame leamo doko

(Mk 13:3-13; Lu 21:7-19)

3 Olipimanda ^b yuu dokonya Jisasa peteamopa baanya disaipele dupame elyakao ipupala baa pisoo, “Embame laleno dutupa andukupa pitana lao lalepe? Aki mende pitamopa naimame kandatala emba dee ipanya pilino, yuu dake etalanya pilyamo lao masetama laape? Dokonya embame naima langi,” leami.

4 Jisasame yanu pyao dokaita lamaiyoo, “Endakali mendeme nyakama minao kyakasetana kandao kalyepape. 5 Tenge ^c doko endakali longome namba epele lao ipupala, ‘Namba Kataisa dokona,’ lao endakali longo minao kyakasetami. 6 Yanda ^{d
,} ^e andake dupa pitaminopa kii-kau latapi, yanda andake dupa pilyamino lapaepi dupa nyakamame setami. Sepala paka kayatamina paka nakayalapape. Dopale dupa ipupengeaka doko, yuu etenge gii doko dokopa ipatala nayata. 7 Akali ^f tata mendeme tata mende yanda pimaita, kiŋi mendenya isingi tata mendeme kiŋi mendenya isingi tata mende yanda pimaita pitami. Dee yuu wakale wakale dupanya lopo andake dupa sepa titiwali dupa minata pita. 8 Dopaka ^g doko, pitamo dutupa pitaka enda wane maita pyalanya tee pingi dopale joo pita.

9 “Gii ^h dokopa endakali mendapuame nyakama tanda dyuu kenda pisina lao maitami. Dopa pitaminopa dupame nyakama pyao kumasetami. Nyakamame nambanya lao pii lamaitaminosa endakali paliuu pelyamo dupa pitakame nyakama imbu kaengitami. 10 Gii ⁱ dokopa endakali longome masoo miningi doko yakinatami. Dupame nyakamalapo yandapipi dupanya kingilyaka mende mai mai pyoo mende imbu kayamai kayamai pitami. 11 Endakali ^j sambo potopesa longo mendapuame ipupala endakali longo minao kyakasetami. 12 Mana ^k setapae yalenge mana doko etete andatamosa endakali longo dupanya auu kayamaingi mana doko kupa palita. 13 Dopaka ^l doko, endakali mendeme kyoto joaka katao baa etatamo doko pyoo nyepae katata. 14 Dee ^m Kaitinya Katenge dokome isingi dokonya lao Wai Pii Epe doko yuu dupa pitakanya endakali paliuu pelyamo dupa pitakame sina lao lamaitami. Lamaiyoo etapatamino dokopa yuu etenge gii doko ipatana,” lea.

Kenda pipae andake ipatamopa lekeleke tatamina leamo doko

(Mk 13:14-23; Lu 21:20-24)

15 “Losuu ⁿ anda andake koyasingi aii pyapae doko kandao wamba Goteme potopesa Daniele-kisa lungu petala leamo doko panda etete epe dokonya katatamopa nyakamame kandatami. (Pii dake itaki pyatamo endakali dokome tenge doko masepenge.) 16 Kandatala ^o dokopa Jutia yuu dokonya katatamino endakali dupa yuu manda dupanya paka pyakao pupenge jeta. 17 Endakali ^p mende baanya anda patakisa katatamo dokome baanya oapi andakote setamo dupa nyalanya napupenge jeta. 18 Dee endakali mende eesa katatamo dokome baanya yonge pee ketae pingi doko nyalanya pilyala nayapengeaka jeta. 19 Enda ^q wane tongatapi enda wane andu nengepi dupa gii dokopa etete kondo pita! 20 Nyakamame koo kana palitamopapi Sambasa gii mendenyapi paka pyakao napataminopana loma soo kalyepape. 21 Gii ^r dokopa kenda pipae andake ipatamo dokome yuupi kaitipi tee piamo dokopa pituu indupa tuu lao kenda pipae epeamo dupa pitaka ita minata. Dee kenda pipae dopale mende tenda tendapi etete naipataka. 22 Goteme yuu gii dupa kaketatona lao masala nayali kandao doko, endakali mendaipi mende nakatatama jipyali. Dopaka doko, baame baanya yapao nyepae endakali dupa lao masetala yuu gii dupa kaketata.

23 “Gii ^s dokopa endakali mendeme nyakama langyoo, ‘Kataisa doko asa kalyamo kanjepa! Amasa kalyamo kanjepa!’ lea kandeno doko, baame kiningi lelyamona lao nyakamame masala nayalapape. 24 Doko, ^t sambo kataisapi sambo potopesapi longo dupa ipupala kongalipi kalai paka pipaepi dupa pitami. Dupame Gotenya yapao nyepae endakali dupa kapa pao minao kyakasepenge jipyali kandao doko, kyakasimili. 25 Kandeleno! Nambame nyakama ene pimopa langitilyo.

26 “Dopana, ^u endakali mendapuame nyakama langyoo, ‘Baa endakali napalenge yuu dokonya kalyamona,’ leami kandeno doko, nyakama dosa napupape. Dee dupame, ‘Baa asa yalo petae kalyamo kanjepa!’ leami kandeno doko, kiningi lelyaminona lao masala nayalapape. 27 Doko, ^v niki pyakaengesa-kaita pituu yuu wapaka pilyamo doko pyoo niki landa pingisa-kaitapi yuu pitakanya tii piyoko lenge. Dopaka pyoo Endakalinya Ikiningi doko ipata. 28 Opale ^w mende kumapae silya mendasa yaka lakepame dupa ipao kambu pingimana,” Jisasame lea.

Endakalinya Ikiningi doko dee ipata dokonya Jisasame leamo doko

(Mk 13:24-27; Lu 21:25-28)

29 “Gii ^x dupanya kenda pipae ipatamo dupa etalu petatamopa niki doko iminjoo, kana doko tii napyoo, kaiti-kisa bui katenge dupa kondao isa ipao, kaitinya kuingi dupa ema-ema pyoo pita. 30 Dokopa ^y Endakalinya Ikiningi doko ipatamo dokonya kongali doko kaiti-kisa pitamopa, yuunya endakali tata dupa pitakame etete ee lao yamataka latami. Dupame Endakalinya Ikiningi doko kaitinya kopa ketae dokonya pupu lao etete tii pyoo ipatamo kandatami. 31 Beto ^z mende puu lao latamopa baame baanya enjele dupa pena lata. Dupame pupala yuunya lita yangi yangipi dupanya baanya yapao nyepae endakali dupa nyoo elyambu pitami. Kini yuu lita dokonya pituu yuu lita yangi-kaita tuu lao nyoo elyambu pitamina,” lea.

Piki ita dupanya makande doko

(Mk 13:28-31; Lu 21:29-33)

32 “Nyakamame piki ita dupanya makande doko masalapape. Mange dupa kanga latala yoko ŋaŋa pyakalyilyamo doko kandatala nyakamame aiyuu kana palyanya pilyamona lao masingima. 33 Dokotekee joo pitamo dutupa pitaka nyakamame kandatala yuu etalanya tengesa petelyamona lao masalapape. 34 Nambame ^aa nyakama kiningi langilyo, endakali indupa palelyamino dupa kumao etapala nayataminopa dutupa pitaka pita. 35 Yuupi ^ab kaitipi dupa kapa pao alu pitamoaka doko, nambanya pii dupa kapa pao alu napitana,” Jisasame lea.

Depa latae kalyepapena leamo doko

(Mk 13:32-37; Lu 17:26-30, 34-36)

36 “Endakali ^ac mendaipi mendeme yuu etenge gii doko andukupa ipatape, kiloko gii andukunya ipatape lao masala naengema. Enjele kaiti-kisa katenge dupame masala naengema. Ikiningi dokome apata masala naengeaka. Takange dokome iki masingi. 37 Wamba ^ad akali Noa kateamo gii dokopa endakali dupame pyoo kateaminoliaka pyoo katataminopa Endakalinya Ikiningi doko dee ipata. 38 Wamba ^ae endaki andake doko ipatala nayamopa endakali dupame neepi endakipi dupa nao katao, akali dupa enda lanyoo, enda dupa akali pao Noa endakinya paenge sipi dokonya kolandeamo gii dokonya tuu leami-pyaa. 39 Dupame ^af aipa pitape lao masala nayawaka kateaminopa endaki andake dokome ipupala dokaita pitaka pyao soo pea-pyaana, tenda Endakalinya Ikiningi doko ipatamopa dopaka pita. 40 Gii dokopa endakali lapoma eenya katatambino dolaponya mende enjele dupame lanyepala mende yakinatami. 41 Dee enda lapomame palawa wasalanya wiisa dii takyoo indyuu pititambino dolaponya mende dupame lanyepala mende yakinatami. 42 Dopana, ^ag nyakamanya Kamongo doko andukupa ipatape lao masala naelyamino dokonya lenge tao kalyepape. 43 Nyakamame ^ah dake masalapape: akali anda tange dokome pake nenge akali mende kuka dokonya gii ongopa ipapomo lao wambao masetali kandao doko, baa lenge tao katapala baanya anda doko kaluina lao kayala nayatali. 44 Dopana, ^ai Endakalinya Ikiningi doko naipapomo lao masetami gii mendenyaka ipatana, nyakama apata depa latae kalyepape!” lea.

Kalai auu pyoo pingipi kopeta pingipi dokonya leamo doko

(Lu 12:42-46)

45 “Lelyamoli ^aj pyoo kalai pyakamaingi mona palenge akali kendemane doko apipi? Baa kamongo dokome baanya kendemane waka dupa isoo nee napenge gii dii lao makosoo maiyoo katena lenge kendemane doko daape. 46 Baame kalai auu pyoaka pyoo katatamopa baanya kamongo doko andaka pilyoo ipatamo kandao doko, baa mona yaepata. 47 Nambame ^ak nyakama kiningi langilyo, kamongo dokome baanya oapi dupa pitaka baanya kendemane dokome isakao katena lata. 48 Dopaka ^al doko, baa kendemane koo tamo kandao baanya moname, ‘Nambanya kamongo doko yasoo waka ipatana,’ lao masetala, baame baanya kendemane yango dupa pyapapu waene nao kyakao paenge dupa-pipa neepi waenepi awapa nao katata. 50 Dopa pyoo katao baanya kamongo doko naipapomo lao masoo ambe lao katatamo gii dokopaka ipata. 51 Ipupala ^am kamongo dokome baa pyao etete indyepala minakasingi endakali dupa-pipa awapa katena lao katata. Dopa petatamopa baa dokonya katao ee lao yamataka lao nenge gilyoo katatana,” Jisasame dopa lea.